Pagbabago
Enero 23, 2008Wala daw permanenteng bagay sa mundo kundi pagbabago. Sa loob ng ilang taon, tila napakaraming bagay na ang nagbago at mukhang nakalimutan na ang dating nakagawian.
Dati-rati, pag may assignments at projects kami, bago umuwi ng bahay, malamang ay dadaan kami sa library para mag-research sa iba’t ibang libro. Ngayon i-google mo lang, may assignment o term paper ka na sa loob lang ng ilang minuto at mahaba pa ang oras mo para makipag-chat at mag-Friendster. Napaka-swerte ng mga mag-aaral ngayon, napakadali ng buhay estudyante nila kumpara dati. Marunong ka lang mag-click ng mouse, may grado ng naghihintay sa’yo. Di gaya dati na lahat ng grado na matatanggap mo ay kailangang pagbuhusan mo ng oras at panahon at talagang paghihirapan mo.
Wala ng telegrapo. Itinapon na ang mga beeper, na kailangan mo pang tumawag sa operator para sa isang simpleng mensahe. Wala na rin party line na pinagpupuyatan naming barkada noong araw. At wala ng kartero nagdadala ng sulat sa amin kada isang linggo.
Ang phonepal naging textmate. Ang penpal naging chatmate. Nung hayskul, hirap na hirap ako sa pag-gawa ng love letter para sa nililigawan ko, ang panget pa naman ng sulat ko na parang kinahig ng manok. Tapos dapat pasikat ka pa, bibili ka ng stationery at dapat yung mabango. Hehe. Tapos dapat tama ang grammar, tama ang spelling tama ang punctuations. Ngayon, kahit boyoyong ka, makakapanligaw ka sa pakikipagtext. Yun bang “Hi! Lo! Aw r u. eat knb? Yngat ka plge. Labyu! ü”. Wadapak? Kung ako babae may magtext sa akin kagaya niyan, babastedin ko agad-agad yung lalaki! Sa chat naman, kauting bolahan, palitan ng pictures, tapos eyeball Voila! Parang pancit canton, may instant syota ka na! Minsan nga, kung bubwenasin ka, imbes na simpleng EB lang, parang Nescafe 3 in 1, magiging SEB, as in Sex Eye Ball! Harhar!
Dati pag may walkman ka, astig ka na! Ngayon magwalk-man ka, isa kang malaking katawa-tawa sa balat ng lupa. Parang kailan lang kailangan mo pang magdala ng extra batteries, at isang backpack na lagayan mo ng tapes ng mga paborito mong kanta. Ngayon may mp3 player ka lang, mapa – Creative, Izune or iPod man yan, ayos na ang buto-buto. Halos lahat ng paborito mong kanta mapapakinggan mo hanggang sa magdugo ang tenga mo, na di mo na kailangang magdala ng bag na lagayan ng mga tapes mo. Mas cool dba?
Ilan lang yan sa mga pagbabago mula noong nagpatuli ako hanggang ngayon na ilang beses na kinabog ang dibdib ko pag nade-delay ang aking dating minamahal. Actually marami pa yan, antok na lang ako at pagod na rin ako sa kakaisip. Pati aalmusalin ko, iniisip ko na ngayon.
Dagdag ko lang, ang SOP nagbago na rin, cybersex na ang uso ngayon! Lolz….
ang dami na ngang nagbago.. ang bilis ng panahon.. meron ka pa di nasabi yung pay phone dati color red, ngayon silver na tska fone card na yung gamit.. hehe!
akil: naaalala ko yun, yung pula na booth na yun, huhulugan mo ng 3 pirasong beinte singko. hehe!
ang dami ngang nagbago.. pero maganda naman kc icipin mo kung di naembento ang email- e di sangkatutak ngaun ang kartero… hehehehe..
akil: sa kabilang banda, nang-uso ang email, nawalan ng trabaho ang mga kartero! tsk!
haytetch na daw kasi lolz. pero mas maganda pa rin yung dati. mas personal. swerte na din natin at naranasan natin mga yun. mga susunod na henerasyon ay puro digital at radiowaves na gamit. hindi kaya healthy mga yan, so hula ko, mababawasan yun lifespan ng mga tao hanggang sa ma-extinct na ahaha.
akil: wag naman sana mag-extinct, at mukhang imposible na rin yun, may mga test tube babies na rin kasi dba?
Oo nga
pero malaki naitutulong ng pagbabagO, kasi dati tamad na tamad ako sumulat sa parents ko abroad kasi may kondisyon pa na kelangan mapuno ko yellow pad
hehehe
ngayon may cel na, may email napakabilis heheh
PareNg akil daaN ka bahay ko
may tag ako seu 
Maraming pagbabago sa teknolohiya pero sa mga tao, ganun pa rin, we still tend to do our old ways, just with new tools.
di mo naisama yung sikat na linya sa txt ng mga txtmates na nag-i-eb.
“san(wer) na u? dito na me?” lolz
*twiger napadaan